السلام عليكم ورحمة الله و بركاته
- بدت تمشي بروحها أمالا وين حبيب القلب سامي؟؟
- لا تعاركو توة سامي مع سمر
- امالا محمد وين الي كان مع سمر؟
- تي محمد توة مع محبوبة بعد ما سيبها خالد مع انها تعرف انه يكلم في سوسن كل ليلة بعد يسكر منها ومش معدلة ...
- نهاره خالد نحسابه مع إشراق ؟!!
- لا ماهو إشراق تعرفت على خليل وطلع معاها جدع فتعاركت مع خالد وتوة مع خليل
- وخالد؟
- خالد طلع جدع معاي والصراحة ارتحتله
- وانت مش كنتي مع أكرم؟
- بالله فكيني منه أهو توة مع مروة يدرهلها في كبدها زي ما درهلي كبدي
- أما مروة؟ الي في القسم؟
- أيه
- تي مروة مش كانت مع الدكتور وجدي؟
- هذا كان السمستر الي فات وصفتها المادة خلاص توة مع أكرم بعد ولى معيد...
- الباين قعدت إلا أنا
- لا مش انت بس ... اصلا انت ما تجي قدامها ...
- ومن تاني غيري ملطوعة وما عندهاش جو؟ مع ان أسعد ما ينحسبش في حياتي ...
- ما تعرفيش خديجة؟ ... البنت أهيا شي من يوم خشت الكلية وهي ولا مرة دارت صاحب ولا علاقة في حالها تقرا في قرايتها وتصدقي الولاد الي نحكي معاه يقول ما شاء الله ومش قادر حد يطق فيها حتى بكلمة
- تلقيها مدايرة واحد برا الكلية ... و ممكن في النت !!
- لا وين ما تفوتش علي جربتها وبعتلها وحاولت معاها وسألت جارتها ما خليت ما درت ... كلمت حتى سمير جرب معاها مافيش فايدة ...
صحة لها كيف متحملة روحها هكي ... كان أنا راني هبلت ...
مرت الايام و توالت ...
و بعد سنين من إستمرار تبادل الأدوار بين الحبايب والحبيبات ودخول عناصر جديدة كل سنة و إنتهاء الدراسة والتخرج ...
تزوج الجميع من أزواج و زوجات لم يعرفوهم من قبل ولم يقابلوهم ابداً ...
إلا خديجة ...
بقيت مع والديها حتى طرق بابهم شاب متواضع خلوق ... قبل به لها زوجا بعد أن قابله أبوها و سأل عنه و تعرف عليها بحضور اهلها ...
مرت السنين ... وكبر الأبناء ...
في الكلية جلوس يتحاورون ...
عن من أحب من و من تذهب مع من و من الذي إستطاع أن يدخل في علاقة مع من ... وكيف أن ذاك قبل من ومن أهدى زهرة لمن ومن ترك و كسر خاطر من ...
إلا ذاك الشاب و أخته ... تميز ... إختلاف ... تربوا في أسرة فيها أم أبقت على كل مشاعرها لرجل حافظ على نفسه و عفها ليحظى بزوجة عفيفة و كلاهما وكأنه ازال أغلفة مشاعر جديدة ليلة الزفاف بعد عقد القران ... ليغرق كل منهما في نقاء مشاعر الآخر بفيضان حب صافي مرصع بالحلال ...
شكراً
